لو انا مسئول
هلغى الفول
لجل ما ترجع تانى عقول
بدل التوهه وبدل الخيبه
وناس سرحانه كدا ع طول
لو انا مسئول
قرار يلغى زراعة الكوسه
بكفايه خيبه بكفايه حوسه
واطابق بين أوراق وواقع
مش يكتب فرخه وهى جموسه
لو انا مسئول
هزرع أكل الشعب بايدى
فقيرهم فوق رأسى وسيدى
ولما شعبى يبات فرحان
يومها أكيد هيكون عيدى
لو أنا مسئول
اسأل شعبى ايه يرضيه
والجيل الجاى بالعلم نحافظ عليه
وال ناوى يخدم بلده
أيدى أكيد هتكون ف ايديه
لو انا مسئول
قانونى أساسه بالحب نلم
ساعتها الخير ع الكل يعم
ونعيش نحرس رايتها العاليه
وكفايه علينا سفك الدم
#لو انا مسئول
ليست هناك تعليقات:
إرسال تعليق