ياعيشة أجمل ما فبها الموت
كام حلم مات وأصبح ذكريات
ياصرخة ما تعرف غير السكوت
‘‘‘‘‘‘‘‘
مسجون وسجني جوا نفسي
عايش علي ليه وكان نفسي
يافرحة ف حلم أصحي تمشي
ياعمر غطاه يادوب ورقة توت
‘‘‘‘‘‘‘‘‘‘
الظلم عشش علي كل مكان
قاضي زماننا هو كمان السجان
وصوت الحق خايف ورا البيبان
حريتك هناك ولو تفوت هتموت
‘‘‘‘‘‘‘‘‘
لسة حلم الصبية وحلم الصبي
جوا بحر موجه عنيد جدا غبي
السما بعيدة بس نجومها مطلبي
بس يعدي زماننا المر وعنا يفوت
‘‘‘‘‘‘‘‘
صورتك حبيبتي مليانة رتوش
حزنها كاسي علي كل الوشوش
طوفان ضلمة عالي ومين يحوش
بس الأمل لابد عن يوم لينا يعود
‘‘‘‘‘‘‘‘‘
حبيبتي من غير كلام ولا فلسفة
طول عمري عايشك حزن وأسي
مستني فرحك بين صبح ومسا
ومهما كان صعب يوم حبك يموت
‘‘‘‘‘‘‘‘‘‘
أيمن بلال
ليست هناك تعليقات:
إرسال تعليق