بأحبك بس بشروطى
ليه نفسك تكتمى صوتى
بتحبى صمتى وسكوتى
أو غيرانة من صيتى
لقلبى كتير ياما شكيتى
كمان لبيبانى سديتى
نفسك تحجرى على
كتير م الناس ووصيتى
حبيبك مهما أكون أنا شيك
لكن مش شقة ليك تمليك
أقفل بابى أنا براحتى
وأفتح للأمل شبابيك
قلبى كبير يساعى الكل
وبستانى ماليه الفل
ليه منك أشوف الذل
وأعيش عمرى أنادى عليك
بأحبك بس ليه تشوطى
ونفسك ذلى وسقوطى
ده بعدك لو تحبينى
أكيد تقبلى شروطى
ليست هناك تعليقات:
إرسال تعليق