&& أغنية (حبيت جميل) && بقلم / حربي علي

حبيت جميل صاحب كتير
عمال أميل وعمال يطير
سقانى نيل وعذاب عسير
عابر سبيل باع الضمير

سألته ليه تهجر أحبه ؟
هتاخد إيه من كتر صحبه؟
ياحبيبى الصحبه غربه
لو ضاع فيها قلب الأمير
حبيت جميل صاحب كتير
قالى يا إنتى بطل شكوك
تنادى فرقه تحصد لى شوك
قلت ياغالى كتير شافوك
سبت إيه ؟ بنظره حرير
حبيت جميل صاحب كتير
كان نفسى فى دنيا بخيالى
مفهاش غيره تنور تلالى
أفنى بيها عمر الليالى
وأموت عليها زهرة عبير
حبيت جميل صاحب كتير
عمال أميل وعمال يطير
(حبيت جميل)