مالك يا حُب /بقلــــــم: عــــــادل الشــــــهـــابى

مالك يا حُب

بسألك وبقولك مالك يا حُب ....

مسهر العين ومبكى القلب ...

بيندم اللى فيك صدق وطلب ...

واللى يحاول ينساك بردوا صعب ...

ليك أوقات بتكون فيها جميل ...

والبلابل على أغصانك تنشد وتميل ...

وبيك بيُشفى القلب العليل ...

وأوقات بتكون شجن وآنين ...

وتبكى عيون العاشقين ...

ويفرح فيهم اللايمين ....

يا حبك أحترت وكتير أحتاروا فيك ...

كنا زمان بندور عليك ومش بنلاقيك ...

كنا نتمنى تيجى ونبوس يا حب إيديك ...

جيت لقيناك نار ولوعه ...

تأمر أنت والناس ليك طايعه وسامعه ...

تقولهم أرجعوا وهم عن طريقك مش راجعه ..

يا حب يا شجن وأوجاع ...

معاك مش عاوز أحس بضياع ...

ولا ليك فى يوم أكون بياع ...

ولا أمشى معاك بخداع ...

يا حب يالى كل شىء بأديه ...

قولى طبعك وأنا أمشى يا حب عليه ...

يا حب يا مسهر كتير عيون ...

مين ليك يا حب يقدر فى يوم يخون ...

مين ده اللى ياخد لقب مجنون ...

مين اللى يقدر يخسرك وتنام له الجفون ...

تعالى يا حب ومش هسألك مالك ...

تعالى ده حالى يا حب من حالك ...

تعالى وهوفر عليك سؤالك ...

بقلــــــم: عــــــادل الشــــــهـــابى