قوت الالعي
بعد شهر طويل
بحلوه ومرار أيامه
اخيرا جه اليوم
اللى هيقبض فيه
قوت عياله
حطهم في جيبه
ونفسه يطير
ويروح لعياله
ده عاوز فلوس درس
وده عاوز يشترى لبس
وﻻفكر يشترى شيء
ﻷم عياله
وماشى في طريقة عدل
خايف عينه تقع علي شيء
ويصرف مصروف عياله
ركب الباص واتلفت حواليه
لقى ده مادد ايده
وده رابط عنيه
وواحد شعره منكوش
وبيزحف على رجليه
قال الله يكون فى العون
مد ايده فى جيبه
ملقاش وﻻ جنيه
اسودت الدنيا في وشه
ومبقاش عارف يعمل ايه
استغفر ربنا وفرت الدمعه من عنيه
وفجأة لقى واحد بينادى عليه
يا أستاذ مش ده اللى بتدور عليه
حمد ربنا وشكره
انه خﻻه ميمدش ايديه
بقلمى / أحمد عبدالله لطفى
ليست هناك تعليقات:
إرسال تعليق