★★( سداح مداح)★★★* بقلم حسين ابراهيم

★★★*★★★( سداح مداح)★★★*★★★

بقلم حسين ابراهيم

سداح مداح يابلد

فين اهلك وفين ناسك?

وفين كمان الولد

اللي شرب كاسك...?

ومين هنا يقولنا..

يقول لمين فاتك..?

مين استباح عزتك?

ومين عالتراب داسك?

ومين اللي باع واشتري

ولكلاب السكك فاتك?

سداح مداح يابلد..

مين..اللي حمي..

ومين اللي فرط يبلد فيك..

وابنك اللي ضحي..

ليه غريب فيك..?

فين التاريخ يابلد?

فين مجدك وماضيك?

وانت اللي فيك الهرم..

والخير والكرم فيك..

وكما هداك ربنا..

نيل بيرويك...

سداح مداح يابلد..

ليه كل شئ عندنا..

اوضاع مقلوبه..?

وليه كلمه الحق..

في قامسونا مشطوبه?

وليه في العداله كسالي..

وعيونا معصوبه? 

وفي المصالح وشوش كوالح

واخلاقها معيوبه..