عليل الوصف
*******
سماكي مش أمل بكره
ولا حتى سنين ذكرى
ولا اللحظة اللي عايشها
ولا مر الهوى فيها
ولا همسك ولا صمتك
بيخلق فيا إحساسك
ف ليه دايما بشوفك حلم
ولسة إيديكي بلمسها
على ورقة مسكتيها
وجايز غمضة بتنور
وأشوف قلبي
وعقلي يقول لي هلقاكي
بتتمشي
بتجري تلعبي بنبضه
تقيلة الخطوة جوايا
بقول بكرة هلاقيكي
وافتح عيني ساعتها
ويرجع قلبي من تاني
ويطفي النور
عشان بيخبي سكانه
من الحاسدين
بقيت خايب من الخايبين
عليل الوصف للحالة
وفلسفتي
فنون كداب على نفسه
يقول عطشان
وهوا بيشرب الماية
يقول الشمس بتعدي
وتيجي الليل مع القمرة
يقول إن إنتي مش أمله
وإنتي كيان
********
كلماتي علاء الدين علي
ليست هناك تعليقات:
إرسال تعليق