#همسات-الشعرالحالمة نائلة سامى
((((((ليه))))))
جوا منى سؤال تاعبنى
هو حس بجرحة ليا
وقد ايه بكى عنيا
وقد ايه كان انانى فى حبه ليا
وعمره يوم ما غارعليا
ذاق العذاب حس الالم
نزلت دموعه من الندم
ولا احساسه اتعدم
ومات فى قلبه من زمان
ده قلبى كان مدى الامان
اكمنه اول حب ليا
وكنت لسه فى الهوى بفتح عنيا
كان اول حد فى الحياه يمسك ايديا
كنت فاكره ان الهوى اجمل هديه
بس خلانى احس انى كنت كثير غبيه
كان مخادع فى الهوى بارع وشاطر
كان حقيقى شخص قادر
يبقى سؤالى اجابته ايه
الانانى واللى احساسه اتعدم
عمره مايحس بندم
ولا الدموع تسكن عنيه
اصل قلبه كبير عليه
وعمره ما يفوق من اللى فيه
غير بكارثه تغيره وتغير الدنيا فى عنيه
سعتها بس يحس بالمجنى عليه
يبقى سؤالى اجابته ليه
#نائلة-سامى
ليست هناك تعليقات:
إرسال تعليق