آسف /شعر ممدوح حجاجي محمد علي

آسف 

آسف إني صدقتك في يوم من الأيام ..

آسف لأنك عيشتين في أوهام ...

آسف لأني كنت بسهر أفكر فيك ما بنام ..

آسف لأني وهبتك نبض قلبي ....

وآسف إني افتكرتك عشقي وحبي. ....

واسف آسف آسف ليك يا قلبي ...

حبيت يا قلبي خاين ملوش أمان ...

جرحك ياقلبي وحطم الكيان ....

بس تعرف يا قلبي إنت كمان غلطان ...

كان لازم تعرف إنه مش إنسان ....

إن قلبه حجر صوان .....

إن بعدك وقربك مكنش فارق معاه ...

فكان لازم سعتها تنساه ....

وتنسي حبه وتنسي هواه ...

كان لازم تعرف مبادئ معندوش ...

وإن ليه ألف وش من الوشوش ...

بس بردو آسف إني يوم صدقته ..

وبكره اليوم إللي فيه شفته ..

وآسف علي كل كلمه حلوه سمعتهاله ..

آسف إني كنت فاكر إني كل آماله ..

آسف لأيدي لما لمست إيديه ..

آسف لعيني لما جات في عنيه ..

وآسف لما كان يحكي وأسمع ليه ..

آسف إني صدقته ووثقت فيه ..

إني صدقته ووثقت فيه ...

شعر ممدوح حجاجي محمد علي 

الثلاثاء 1/3/2016

الساعة 12:15 ليلا