.....ولسة ف عشقك حكاية........
في كنز الحكاوي كانت معاكي حكايتي
وعلي شطك كانت في العشق بدايتي
ياست الهوي والغنوة والتوهة والترحال
أنا العاشق وعلي شطك رميت سنارتي
.......
شدني بحرك وغرقت سنين في حبك
و يشدني الشوق اعدي علي بحرك
أحكيلك أشكيلك جرالي ايه ف بعدك
وأفارق هموم عمري وأعيشك بدايتي
........
وأكتب غنوتي شوق تحكي حنيني
وأعاتب فراقك ساعات عن سنيني
وأنده حبيبتي ترد نسمتك وتجيني
مشتاق جابه الهوي والشوق عندي
.......
وبين الليالي تفضل ف البعد صورتك
عايشة جوايا لحد ما ارجع لشطك
ولو يوم سكن الحزن قلبي اندهلك
تقولي تعالي ده كاس الفرح عندي
.........
وتفضلي يااسكندرية لمة الذكريات
والحب والهوي والشوق والحكايات
ويفضل حنيني معاكي لكل اللي فات
ياست عمري وسر عشقي لنهايتي
................................................أيمن بلال
ليست هناك تعليقات:
إرسال تعليق