امي
ياسنابل الخير وطرحت فينا
من يوم ما خلقنا
رب العالمين ليكي ياما وياما تعبتي
وشقيتي كتير وكنتي
بتيجي علي نفسك لاجل
ما ترضيني امي مهما عملت
لا يمكن اوفي.
حقك علينا و اللي عملتيه
علشاني دا الرحمن وصاكي عليه
ياحبيبتي ياامي ياأسم غالي علينا
طول الوقت بينا
بتهتمي وتحاوطي علينا وتضمي
ياروح القلب ياامي يامني
العين والقلب يانبع الحنان
حبك ملأ الوجدان
في حضنك كل وقت وفي البرد
بحس بالدفء والامان
انتي رحمه من عند الاله
بعتك لينا عشان نعدي بسلام
يامحلاكي وانتي لمي اروح انام
كنتب طول الوقت بتفضلي
جبنبي وتغطيني وحضنك
هو اللي دايما كان بيدفيني
ويطمني لحد ما تغمض
عيني وتفضلي سهرانه
تصلي وتدعي لي انا واخواتي
وتقومي من النجمه تلمينا
علي الطبليه وبسرعة
تفطرينا وعلي المدرسة
تودينا وبعد ما نيجي
تفضلي تعلمينا لاجل
ما تعدي بينا السفينه
خلاص ياامي تعليمك فضل فينا
والدين والاخلاق وسنة الرسول
اللي علمتينا فضلت. فينا
وفضلك علينا ولا الف
شكر يكفي اللي عملتهونا معانا ياامي
عشانك ولاجلك ربنا مش هينسانا
ودعواتك. هي اللي باقية ويانا
بقلم الشاعرة زينب امين قنديل
ليست هناك تعليقات:
إرسال تعليق