حوا
ابراهيم جمال
*******************
الحياه من غيرها يعنى
زى ليل دامس غميق
زوجتى امى بنتى اختى
هي ليا اوفى صديق
هى لما الليل يكحل
تبقى نورى فى الطريق
هى لما الدنيا تضيق
منها كلمه تبل ريق
وام برضه الدنيا تحلى
تلقى بسمتها بريق
الحياه من غيرها يعنى
زى ليل دامس غميق
هى حوا
اللى ساكنه القلب جوه
اللى لما كنت عيل
كت بتحضنى بقوه
واما رجلى يدوب شالتنى
كنت عامل أل فتوه
واما صرت ليها عاشق
صرت طفل وديع برئ
الحياه من غيرها يعنى
زى ليل دامس غميق
ليست هناك تعليقات:
إرسال تعليق