عذرا يا امى
لو كنت يوم نسيتك
كان غصبعنى
مبستش مره ايدك
ياغاليه وعمرك
ما وجهتيلى لوم
تدارى مشاعرك
وتخبى الهموم
وشك بيضحك
وعنيكى دمعانه
بتظهرى فرحك
وانتى حزنانه
عشتى طول عمرك
تدى مبتاخديش
حملك على ضهرك
شايلاه متشتكيش
كنت فى حياتك
حاسس بالأمان
ومن بعد مماتك
قهرنى الزمان
احلف ياامى
ما شفت يوم زيك
اشكى لمين همى
من يوم ماودعتك
أخلاقك وطيبتك
على حد ملقيتهمش
ربى خلق منك
واحده ومكملش
ليست هناك تعليقات:
إرسال تعليق