اه عليكى يابلادى
الظلم فيكى شيء عادى
والموت فيكى صار مخرج
من بحور ظلمك وطغيانك
الشريف فيكى ارهابى
المجرم فيكى بقى حامى
وااااه عليكى يابلادى
اولادك البحر صار حلمهم
يوصلوا بيه لشط تانى
اهو يحققوا حلمهم
ويرجعوا ليكى من تانى
قالوا يوفروا طقه لعيالهم
اصل الفقير مش لاقى لقمه ياكلها لعياله
اصل اليابس ضاق عليهم
والظلم فيك بقى عاتى
لكن ياعينى عليهم
البحر صار قبرهم
وحلمهم مات فى قلوبهم
والسمك ده كان اكلهم
خلاص صاروا اكله
والغريق صار متهان
والناجى فى سريره متكلبش
اصله ياعينى غلبان
وحلمه ملهوش مكان
كان نفسه يبنى ويكبر
وعينى على شاب ساب امه
علشان يشق طريقه ويعمر
بس رجع فى كيس لامه
ااه ياعينى على حرقة قلبها
كان نفسها تلبس عروسته الطرحه
ويدخل على ققلبها الفرحه
لكن مات وراح حلمه
وبكره يوم الحساب يجمع
اصله مش ابن وزير دا يادوب فقير
واب ظهره انكسر قعد يربى ويكبر
ويدفع كل غالى ورخيص
كان حلمه يشوف ابنه عريس
لكن ياحسرة قلبه
رجعله ابنه فى كيس
والطفل فيكى متغرب
قال يشوف شغله من صغره
يمكن يكبر ويلاقى فيكى مكان
لكن ياعينى عليه وعلى حلمه
قلب امه اتحرق وجسده صار متهان
واااااااه عليكى يا بلادى
الظلم فيكى بقى عاتى
ليست هناك تعليقات:
إرسال تعليق